රොබරෝසියා

 ළා රෝස වර්ණයෙන්

පිපෙන රොබරෝසියන්

සිත් තුටු කරන

 ඇතැමුන්ට අලංකාර

නිස්සාර මතක සිහිකරවන

දනන් ඇස් වශී කරන

රොබරෝසියන්

මායාවකැයි

 මට සිතෙන අන්දමට

සිත් කලඹන්නට 

ඇයි මෙතරම් සමත් ......... 

සිත්තම් අතර

නිවි නිවී දිලෙන 

තාරකා මත 

මිහිමත නර නෙත් 

විසල් ගණනක්

සිතන සිතුම් 

සොමි හට ඇසෙනවා නම්

අඩුවක් නැතිව 

සිත් සනසන්න

මවනු ඇත මන්දාකිණි

අපමණක්.....

දළදාව

ලාවට සිත්තම් වූ

හිරු කිරණ මතින් 

සිහිල් සුළං මුසුව

මැවෙන මීදුමෙන්

දළදා බලන්න

සැදැහෙන් 

යන මග

වර්ණ කරන 

රොබරෝසියන්  තුටින් 

මල් සුවද සමග

පාකර වැටෙන විට

සිහි වුණේ දළදා මළුවේ 

සුවද දුම් වලින් 

සිත ගත 

නිවෙන සැටිමයි.....

 නොහිමි පැතුමක 

නුඹව  දරාගෙන 

සිහින අස්සේ අතරමංව

නොහදුනන හදුනන

ඔබේ ඇස් අතරේ 

පැටලෙන මම

මටම හිමි ආලය 

සොරා ගන්න

තියන කෑදරකම

නුඹ දන්නවා නම්

කුමක් වේවිද?????

පිස්සු කොල්ලෝ

 ඔබේ ඇස් දෙස බලා

වෙව්ලනා දෑත් තද කරගෙන 

ආදරෙයි කියන්න

මීදුම අතරින්

 අත් අල්ලන්

ඔය පපුවේ උණුසුමට ගුලි වී

ගොම්මනේ දොඩමළු වෙන්න

සිනාවෙන් අදුර බිදින්න

හීන දකින මේ හිත 

නිවන්න එකම එක

හාදුවකින්

මගෙ හිත පිරෙන්න

සැනසෙන ඔය හිත ළග

ඉතිං ඉන්න ආසයි මං

මගේ මේ පොල්කාවයියා ළග