අම්මා

හොදම යාළුවා

කරගත්තු

හැමදේම කියපු

අවවාද අකුරටම පිළිපැදපු

කිසිම දරුවෙකුට 

නෑ

ජීවිතය 

වැරදුනේ

හීනය

ජීවිත වලට එන යන 

සොදුරු හීනවල නැවතිලා

හීන හොයන

දුකත් සතුටත්

විදින අය අතරේ

මගේ හීනය මට වටිනවා......

ප්‍රේමය

අප්‍රකාශිත ප්‍රේමය

ප්‍රකාශිත ප්‍රේමයට 

වඩා බලවත් ,

දරාගත් ප්‍රේමය  

අයිතිකරගත් ප්‍රේමයට 

වඩා බලවත්,

සංසාරය කෙටියි

අයිතිවාසිකම් නොකියමි

නිහඩව බලා සිටිමි

 පෙම්වතා : රහසක් කියන්නම්

                     හිමිහිට අහගන්න

                     ඔබ නමින් ගැහෙන

                      හදෙහි හඩ අහගන්න

                      සසර පුරා මගෙ ළග ඉන්න 

                      ඔබ මගේම වෙනවද?

   

පෙම්වතිය : රැය එළි වෙනකොට

                      ඔබේ රහස

                      තාලයකට අහන්නම්

                       මත් වූ දෙනෙතින් 

                        මා දෙස බලා 

                       නිහඩව හිනැහෙන්න 

                       තුරුලේ හොවා 

                       ඔය උණුසුම දෙන්නම්

                        මොන බාධාද????

   

    

   

 

                    

හිමි අහිමි

ප්‍රේමනීය මිනිසුන් 

කොහේ කොතන සිටිනවා ද

නමුදු ප්‍රේමයට ප්‍රේම කරන්නේ

අතලොස්සක්

ඒ අතලොස්ස අතරේ 

තමන්ට උරුම ආදරයට 

ආදරය කරන්නේ

හිමිවීම බලාගෙන

හිමිවීම බලාගන ආදරය කරන අය අතරේ

අහිමි වීම කොහොම දරාගන්නවා

ඇති ද????

ඒ බලාපොරොත්තු හීන 

සදහටම මතකයෙන් මකන 

ප්‍රේමවන්තයන්ට 

ආල හිත් කවදා නම්

හිමිවේද????

 

 

නොලිවූ කවිය

 කවි යහනෙන් බැස යන්නට
සිතේ ඇති දෙගිඩියාව 
කුරුටු කවි කෑගසා
දුකින් හදවත ගොළු කළ
මෙතෙක් ලියූ කවි අතර
තවම නොලියූ
කවිය මෙය විය

බුදු හාමුදුරුවෝ

එකම පැතුමක

එකම ගමනක 

එකම  ඉරණමක් 

සොයා යන්න 

පහන් සිළුවකට 

පුළුවනිද??

සිත නිවන 

රූපයක් ළග

අප පතන දේ නොලැබුණත්

හිතේ සැනසීම නිමක් නැතිව

උතුරා යන

ඒ රූපය අබියස 

නොවිනොත් පුදුමයක්.....

මනාලියේ

 

සුදු ඔසරියට පෙම් බැද

මංගල තැල්ල දමා

මනාලිය වී

පිටව යන්නට සැරසුන විට

පියාගේ  දෙනෙතේ

කදුලු මකා දමනු නොහැකිව

හිත ගොළුව

නැකතට තම දිවිය අරඹන්නට

යන දුවණිය දෙස

බලා ආඩම්බර නෙත් හෙළන

පියාණෙනි 

ඔබ සැමදා පැතූ දියණිය

මම වන්නෙමි

 

                        සියුම් හැගීමක

                     අප සොයන උණුසුම

                           අපට උරුම හිතෙන්

                                ලැබෙන තුරු

                                  ආලය පසුපස

                     හබායන හිත් සනසන්නට

              ආලයේ පරසතු මල්වලට

                           හැකිවේද???

කැලැන්ඩරේ

දින සති මාස අවුරුදු

අපි හරි ඉක්මනට 

තිරයක් උඩ 

හරි ලේසියෙන් යවලා

අපිට ඕන තැන නවත්තනවා

ඒත් අපි හිතන්නෑ

සතුට දුක 

ගෙවලා දැම්මත් 

අතීතයේ දුක් වෙච්ච

මතක සටහන්

හදවතින් නම්

බැහැර නොවන්නේ

කෙලෙසකද???? 

 

 

අරගලය

ලොවක් අබිමුව අබිමන්ව ගත කළ

ලක්මෑණි සිර කළ

උද්දච්ච අමන රැළ

බලව් යෞවනයන් දෙස

නව සුරපුරක් කරා අරගල කරන අයුරු

නිදහස්ව ගෙවන්නට තිබූ සමය

සුන් කළා සිහින එකින් එක

උන්ගේ දරුවනට සුරපුර මවා

ලක්මවගේ දරුවනට කළා හිරිහැර

බලව් බුදුරදුන්ගේ  බණ

තේරෙනවාද උඹලට

අහිංසකයාගේ කුසගිනි

හද ගිනි

දැන් දැනෙනවද බොල 

උඹලගේ නිවටකම 

ගනිව් උඹලගෙ 

බොරු ආටෝප

රැගෙන පලයව්

ලක්මව ඉතුරු කර

නොනිමි සෙනෙහස

නීල ගුවනක

පෑයූ සදවත

පායා දිලුනත් අද දිනේ

මා ද රාහුල පුතු ද තනිවෙයි

ගත කළේ මේ ටික දිනේ

දුකයි ඔබ මට ඉතිරි කෙරුවේ

පටන් අබිනික්මන් දිනේ

තැවුල් හා තනිකමයි 

මා හට ඉතිරි  වුණේ

මගේ සමිදුනේ

වින්දා දුක් මම

ඔබ විදින බව දැන

අතැර සළුපිළි

අතැර රස බොජුන්

රැකී පතිවත හැමදිනේ

ලේන කුලේ සිට පැමිණි සෙනෙහස

අඩු වුණේ ඇයි මගේ ස්වාමිනේ.......

සසර ගමන

 මා හදේ සුසුම

හුදකලා වී

නුඹ පමණක් නොව

මා ද අත්හැර 

මේ සසර ගමන නම්

නැවතීමක් නැත

කල්ප ගණනකටවත් ......

කුහක කමින් එහා

ඇත්තටම

වැරැද්දක් අඩුපාඩුවක් කියන්න

ගොඩක් අය කට ඇරියට

හොදක් ලස්සනක් දුටුවිට

ඔවුන් ගොළුවන් සේය 

කට පුරා හිතවත්කම උතුරා ගිය ද

ලෙන්ගතුකම හිතේ කොනකවත් නැත

ඒකට කියන්නේ කුහකකම

ගොඩක් හිත් ඒ වගේ

එහෙම අය ගැන හිතමින්

තැවෙන්නට එපා කිසිවිට

අතේ දුරින් තියාගන්න

ඒ අය ගැන හොදක් දැක්කොත්

ඔබ එපා කටවසා ඉන්න

හදවතින්ම සුබ පතන්න 

එයයි මනුස්සකම....

ගොළු හදවත

 

කදු අතර සැගව ගිය

දුර ඈත නිම්නයේ

මලින වූ මල් කැකුළ සේ

සියුම් සැන්දෑවක

සිහින මැද අතරමං වූ

මහා මේරුව සේ

මගේ සිහින රැගෙන

           හුදකලා තරු අතර

                                          ඇවිදින්න 

                                           මට 

                                           ඉඩදෙන්න 

තනිකම

සද මැදියමේ

පවන සමග

නැලවී ඉන්න 

හිතේ සුවද

හදවතේ ගැඹුරටම

කිදා බැස

සිතේ පද වැල් 

කැකෑරී

සද එලියේ

සදළු තලේ

මම තනියම 

සැනසිල්ලේ

ගල් තලාව

උඩ සිටියෙමි......

සැගවුණු රස

           බොහෝ කලක්

           රස නොබැලූ 

           රතු පාට ඇපල්වල 

           රස බලන්න ආසයි

            නුඹ එක්ක 

            හා..හා.. හෙමින් හෙමින් 

            හිරවෙයි බලාගෙන 

            කිසි දා අමතක නොවන 

             මිහිරි රසකි 

             එය